Dêrsim de hetê Komeleya Heqanê Merdiman (ÎHD) ra Kuçeyê Hunerî de bi şîarê “Tepişteyanê nêweşan rê azadîye” çalakîya roniştişî û eşkerayîya çapemenîye ameye kerdene. Temsîlkarê xeyê partîyanê sîyasîyan û rêxistinanê komelê sîvîlî tewrê ci bîyî.

Eşkerayîye hetê Îdarekarê Şûbeyê ÎHDyî yê Dêrismî Huseyîn Yaşar Sezgînî ra ameye wendene. Huseyîn Yaşarî bale ante binpaykerdişê heqan ê tepişteyan ser ke tim zêdîyenê û nê vatî: “Bitaybetî cuyeya tepişeteyanê nêweşan yeno hedefgirewtene. Goreyê zanayîşanê ke ma netîceyanê muracatanê ke ma rê bîyî,girewtî binpaykerdişê heqan hinî sîstematîk yenê kerdene.Tepişteyî bajaranê dûran rê yenê sewqkerdene, hem keyenê xo ra hem zî xizmetê weşîye ra mehrum yenê verdayene. No tesîrê keyeyan zî keno. Caardişo bîno ke dewro peyêne de beno zî tepişteyanê ke hema hukm nêwerdo zîndanê sey tîpê S, Yyî de yenê cakerdene. Heqê tepişyan ê bingeyî her hetî ra yenê binpaykerdene.”

Huseyîn Yaşar Sezgînî binpaykerdişê heqan ê tepişteyan yew bi yew rêz kerdî û ard ziwan ke cayê nînan pêkerdişanê mîyanneteweyîyî de çîn o ke Tirkîya zî morê xo dayo binê ro. Sezgînî îfade kerd ke dewlete berpirsîyar a ke heqê cuye yê tepişteyan bipawo û veng da ke wa tepişteyê nêweşê giranî, extîyar û astengdarî cade serbest bêrê verdayene.