Hêrişê vera yewbînan ê Îsraîl û Îranî 9 rojan ra nata dewam kenê. Ajansê Xeberan ê Frasî pare kerd ke Îsraîlî saetanê şewdirî de da tesîsê nuklerî yê Îsfahanî ro la zerarêk nêresayo nuklerî.

Goreyê eşkerayîya Wezîrîya Pawitişî ya Îsraîlî, rojawan û beşanê mîyanênan ê Îranî de binawanîya leşkerîye ameya hedefkerdnee. Îranî zî şewe bi fuzeyanê balîstîkan da Tel Avîvî, Hayfa û Berşava ro.

Artêşa Îsraîlî dîyar kerd ke Fermandarê Tugayê Diyînî yê Hêzanê Hewayî yê Îranî Emînpur Cudekî zî kişîyayo.

Televîzyonê dewleta Îranî zî da zanayene ke ‘hêrişêkê terorî’ vera bînayêka şaristanê Kumî yê Tehranî ameyo kerdene û tîya de ciwano 16 serrî merdo.

Serekê Amerîka Donald Trumpî vat ke seba şerî ê do tewirê xo yê qerardarî rê dewam bikerê û vat: ‘’Vindarnayîşê Îsraîlî zehmet o û ard ziwan ke Îsraîlî 9 rojan de serkewtiş visto destî. Ma do bivînê hela se bibo.’’