Konferansê Platformanê Cinîyan ê Kurdan ê 3yînî bi ‘Yewîya cinîyan ê kurdan, ver bi yewîya neteweyîye’ Amed de dest pêkerd.

Devrîme Demîr nameyê platformî ser o qisey kerd û vat ke têkoşînê şarê kurdî  serkêşîya cinîyan de dewam keno. Devrîme bale ante Vengdayîşê Haştîye û Komelê Demokratîkî yê Rayber Apoyî ser û vat ke ganî cinîyî nê prosesî de rolê xo biaktîfî kay bikerê.

Dima mektuba Vervatoxa verêne ya TJA Ayşe Gokkan ameye wendene ke zîndan de ya. Ayşe Gokkan konferans selam kerd û pêro cinîyî zî selam kerd. Ayşe da zanayene ke yewîya neteweyî ya kurdan a demokratîke vera hêrişan û polîtîkayanê înkar û îmga tek çare ya.

Konferans de mektuba Kongreya Starî zî ameye wendene. Kongreya Starî mektube de pêro beşdaranê konferansî rê serkewtiş waşt.

Dima Endama platformî Muazzeze Orhan mektuba Platformê Cinîyan ê Kurdan ê Neteweyî wende. Mektube de venga cinîyan ê kurdan dîya ke wa yewîya xo bîyarê ca.

Konferans dewam keno.