Dîwanê Hemserekîye yê KONGRA- GELî semedê dayîka Hemserekê Konseya Rayberdişî ya KCKyî Cemîl Bayikî, Rehane Bayik a ke 19ê hezîrane de dinyaya xo bedilnaye, mesajê serweşîye weşanayene.

Mesajê serweşîye yê KONGRA-GELÎ de ca dîya nînan: “Ma pê dejî eşnawit ke dayîka Hemserekê Konseya Rayberdişî ya KCKyî Cemîl Bayikî, dayîka ma ya erjîyayîye Rehane Bayik dinyaya xo bedilnaye. Ma Cemîl Bayik û pêro keyeyê ci rê serweşîye wazenê, dejê keyeyî pare kene. Ma dayîke Rehane rê hûmayî ra rehmet wazenê.

Ma hêvî kenê ke tezîyeya dayîke Rehane semedê şarê ma nê prosesê tarîxîyî de bibo wesîleya yewbîyayîşî, bibo wesîleya wayîrvejîyayîşê prosese haştîye û komelê demokratîkî. Na çarçewe de ma keyeyê Bayikî rê reyna serweşîye şawenê, selam û hurmetê xo şawenê.”