Hemvervatoxanê Komîsyonê Multecî û Koçberan ê DEM Partî Ozgule Sakî û Murad Mihçiyî bi wesîleya Roja Multecîyan a Dinya ya 20ê Hezîrane eşkerayîyêke daye. 

Eşkerayîye de dîya zanayene ke şerê neweyî do pêlanê koçberîye yê neweyan xo de bîyarê. Hemvervatoxan vat: ‘’Tirkîya de qasê 5 mîlyon koçberî bê garantî, asayîş û bi cîyakerîye manenê. Cinîyî û domanê koçber û multecîyî zî raştê kerdişanê cîyakeran yenê. Krîzê Rojhelatê Mîyanênî xebara pêlanê koçberîye danê.’’

Hemvervatoxan nê vengdayîşî kerdî:

‘’-Koçberî meymanê demkî ney, kerdoxê komelî yê têdûştî yê.

-Wa Peymana Apeyqebulkerdişî bêra feshkerdene, Peymana Cenevre ra madeya ‘cografya’ bêra vetene û bazarîya Ewropa ya serê koçberan biqeda.

-Multecîyan rê heq û statuyê înan wa bidîyê.

-Wa Merkezê Apeyerşawitişî bêrê qefilnayene. 

-Wa  amadekarîya seba koçberan goreyê heqanê merdiman û haştîya komelkîye biba.

-Ma venga her kesî danê ke koçberan rê destek bido û seba dinyayêka têdûşt û azade têkoşîn bikero.’’