Wezîrîya Karanê Teberî yê Almanya eşkera kerd ke derheqê Kelly Freyganga hamburgije ya ke bi droneyê çekdarî yê tirkan ameye kiştene, destê înan de tebere çapemenîye de zanayîş çîn o. Eşkerayîye çarçeweya cewabê fermî yê vera pêşniyaznameyê vervatoxa polîtîkaya teberî ya Partîya Çepe ya Cansu Ozdemîr de ameye kerdene.

Goreyê zanayîşê ke Hukmatê Federelî yê Almanya da derheqê şehadete şervana enternasyonalîste ya YJA Starî Kelly Freygang (Tîjda Zagros) ya ke Başûrê Kurdîstanî de bi droneyê çekdarî yê dewleta tirke dinyaya xo bedilnaye, teberê xeberanê ke çapemenîye de vejîyayî destê înan de zanayîş çîn o.

Cansu Ozdemîr eşkerayîya xo ya ANFyî de ard ziwan ke a do nê teqîp bikero nê vatî: “Hukmato federal herinda şermezarkerdişê hêrişê dewleta tirke yê teberê huqûqî û cigêrayîşêk bikero ke şehadetê Kelly Freygang de rolê çekanê ke Almanya ra yenê îxraçkerdene est o ya ney, reyna peye cehaletî xo nimneno. Almanya 2023 de bi erjê 346,8 mîlyon euro çeke îxraç kerd. Parçeyê ke SÎHAyanê Bayraktaran de yenê şuxilnayene zî tede yê. Sîstemê çeke ke berpirsîyarê mergê Kelly Freygang o, no bi xo yo.”