Hemserekanê Pêroyî yê DEM Partî Tulaye Hatimogullari û Tuncer Bakirhanî  Zîndanê Sîlîvrî de Şaredarê Bajarê Pîlî yê Îstanbulî Ekrem Îmamogulu, Hemşaredaro Verên ê Wanî Bekîr Kaya, Şaredarê Esenyurtî Ahmet Ozer, Şaredarê Şîşlî Resul Emrah Şahan, Wekîlê TÎPî yê Hatayî Can Atalay, Ercumeng Akdeniz, Halil  Aksoy, Nesimî Aday û Ahmet Saymadi zîyaret kerdî.

Tuncer Bakirhanî badê zîyaretî ard ziwan ke zîndanan de problemo tewr pîl tepişteyîşo derg û kêmîya muhakemekerdişê edîlî yo û nê vatî:  “Sere de Birêz Îmamglu pêro tepişteyê ke ma dîyî proses muhîm hesibna û vat semedê serkewtişê ci çîyo ke destê înan ra yeno do bikerê. Gerek hinî dewayê sîyasîyî biqedîyê, edalet bibo xoser. Ma hêvî kenê ke dewrê verê ma de ma prosesê demokratîkî pîya ciwîyenê. Moralê pêro hevalan ca de bi. Înan vat proses giran aver şino la ê semedê paştdayîşî hazir ê.” 

Tulaye Hatimogullari mesajê tepişteyan pare kerdî û vat pêrune de hêvî û heyecanê haştîye bibê.