Endamê Konseya Rayberdişî ya PJAKî Siyamend Mûînîyî ard ziwan ke krîzê Rojhelatê Mîyanênî bi şerê Îran-Îsraîlî resayo astêka newîye û vat ke bingeyê nê şerî de polîtîkayê sîstemanê dewletanê neteweyan est ê. 

Mûînîyî ard ziwan ke şerê mabênê Îran û Îsraîlî do netîceyanê herêmîyan xo de bîyarê. Mûînîyî dîyar kerd ke sey PJAKî ê do xîret bikerê ke şarê kurdî şerî ra bipawê û ê amadeyê her têgêrayîşî yê.

Mûînîyî vist vîrî ke şarê Îranî caran binê rejîmê Mollayan de krîzê ekonomîkî anceno. Mûînîyî vat: ‘’Şarê kurdî û şarê bînî ganî verê nê prosesî de amade bibê. Bi taybetî şarê kurdî ganî nê prosesî de yewî û rêxistinîya xo bîyarê ca. Eke ma bi qîmî amade bê beno ke rejîmê Îranî bi zulmê xo yê faşîstî hêrişê şarê ma bikero. Coka erkê ma yo verên pawitişê şarê ma yo.

Hetê sîyasî û leşkerîyî ra ma vera her îxtîmalê hêrişî amade yê ke şarî bipawê. Eke vera şarê ma hêriş bêro kerdene ma do mudaxele bikerê.

Ma venga pêro hêzanê kurdan danê ke nê prosesê krîtîkî de yew cephe de cabigêrê, goreyê menfaetanê şarê ma têbigêrê. Ganî no cephe vera rejîmî şarê ma bipawo.’’