Alîmê dînî Xeznewîyî Nûmedya24î rê roportajêk da û derheqê dîn, sîyaset û têkoşînê azadîya kurdan de mesajê girîngî dayî.

Xeznewîyî dîyar kerd ke Îslam emr keno ke alîmî hetê mazluman de cabigêrê coka o paştî dano têkoşînê kurdan û Îdareyê Xoserî yê Rojawanî. Xeznewîyî ard ziwan ke modelê Rojawanî azadîya pêro cinî, dîn, şar û beşan paweno, sîstemê Rojawanî tena sloganêk nîyo, war de yeno caardene.

Xeznewîyî vat: ‘’ Rojawan verê pêro dînan de hûrmetkar o. Seba ke ma heqanê xo apey bigêrê ganî ma yew bibê. Ma do pêro dinya rê îsbat bikerê ke kurdî do nêrê binvistene.

Nasnameyê kurdan tena meseleyêka aîdîyetî nîya; meseleyêka estbîyayîşî, edaletî û têkoşînî ya.’’

Xeznewîyî da zanayene ke Vengdayîşê Rayber Apoyî herême de pêkewtişî kêmînayê û hinî yewîya kurdan eşkena bêra caardene. Xeznewîyî vat: ‘’Eke seba azadîya Rojawanî çîyêk bikewo milê mi ez do bikera. Alîmî ganî raştîyan ra dûrî nêbê. Alîmî ganî bêedaletîye de têrî bibê û goreyê raştîyan têbigêrê.’’