Vervatoxa DEM Partî Ayşegule Dogan Ayşegule Dogan merkezê partîya xo de kombîyayîşê çapemenîye da û rojdem ercna. 

Ercnayîşê Ayşegule wina yê:

‘’Proseso ke bi vengdayîşê Ocalanî dest pêkerdo û bi kongreya PKKyî dewam keno rîtmê xo de yo. Krîzêk çin o. Meseleya kurdan, meseleya demokrasîyî ya Tirkîya yan zî meseleya Rojhelatê Mîyanênî yewbînan ra cîya nîyê. Ganî meseleyê Rojhelatê Mîyanênî zî bi dîyalogan bêrê çareserkerdene.Ganî sîyaseto  demokratîk bêro xurtêrkerdene. Her çi vurîyeno, Rojhelato Mîyanên vurîyeno. 

Ganî Serekê Meclîsî Numan Kurtulmuş bi înîsîyatîfî têbigêro, partîyan, hemserekan, serekan ûsn bîyaro pêser, derheqê esasê Komîsyonê Meclîsî de çîyêk bikero. Vatişê çîyanê neweyan qîm nêkeno. Ganî çîyê neweyî bêrê kerdene.’’