Merkezê Îrtîbatî û Çapemenîye yê HPGyî nasnameyê şehîdêke eşkera kerd.

‘’Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de fermandara ma ya fedayîye embaze Armanca ke Tunelê Şehîd Pîrdoganî de xoverdayîşêko tarîxî kerd, 29ê kanûna 2024î de şehîd bîye.

Embaza ma Armance do tim mîyanê têkoşînê ma de bêra yadkerdene û serkêşîye embazanê xo bikerê.

Ma sere de keyeyê aye yê ercîyayeyî rê pêro şarê Kurdîstanî yê welatperwerî rê serweşîye wazenê. Ma sereyê xo verê vîrameyîşê embaza xo de bi rêzî anê war.

Nasnameyê embaza ma ya şehîde wina yo:

Embaza ma Armance qezaya Qilebanî ya Şirnexî de dadîya xo ra bena. A Dîlok de bena pîle. Apê aye Şehîd Harûn (Faîk Alturk) zî mîyanê refanê gerîlayan de şehîd bîyo. A zaf binê tesîrê ney de manena. Embaza ma kewena peyê cigêrayîşan û 2014 de Fakulteyan Tipî sinifa çarine de war verdena, verê xo dana koyan.

A Zagrosan de perwerde vînena, xo aver bena. A 2015 de tewra Hêzanê Taybetan bena. A bi kesayetê xo embazanê xo rê zî bena nimûne. Embaza ma Armance krîteranê cinîya azade bêkêmasî ana ca û bena fermandarêka serkêşe. A tunelanê şerî de serkêşîya çalakîyanê serkewteyan kena. Embaza ma pêro erk û mesuldarîyanê xo bêkêmasî ana xa.

A Tunelê Şehîd Pîrdoganî de xoverdayîşê destanwarîyî ana ca. A heta şehadetê xo nêvindena.’’