Hatîce Arata ke  bi îdîaya "endamîya rêxistene" 18 serrî zîndan de ameye tepiştene Zîndanê Qefilnayeyî yê Cinîyan ê Bakirkoyî ra ameye tehlîyekerdene. Hatîce Arat verê zîndanî de hetê keyeyê xo, pawitoxanê heqanê merdiman û rojnamegeran ra ameye verwazîkerdene.

Hatîce arat 12ê gulana 2024î de amebî tehlîyekerdene la badê çar mengan reyna amebî tepiştene.

Hatîce Arata ke verê zîndanî de eşkerayîya kilme daye, nê vatî: "Beno ke ez ewro biresî azadîya xo la bi hezaran embazê mi yê nêweş, extîyar û ê ke rixmo ke înfazê înan bîyo de nînê veradayene, est ê. Bitaybetî Heyetê Îdare û Çimdarî bi caardişanê keyfîyan tepişteyê ke cezaya înan qedîyaye, verê azadîya înan geno."

Hatîce Arat waşt tepişteyê nêweşî û ê ke tehlîyeya înan yena astengkerdene wa cade serbest bêrê veradayene.