HPGyî nasnameyê şehîdêkî eşkera kerd
HPG-BÎMî da zanayene ke gerîlayê bi nameyê Şoreş Ewrînî Xakurkê de şehîd bîyo û vat: ‘’Perwerîya têkoşînî ya embazê ma do tim biba rêbera ma.’’
Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:
‘’Embazê ma Şoreş Ewrîn 18ê sibata 2025î de herêma Xakurkê de şehîd bi.
Embaz Şoreş ewladanê çêran ê Rojhelatê Kurdîstanî ra yew bi û o tim embazanê xo rê bi nimûne. Ma zaf kewtî şehadetê ey ver. Perwerîya têkoşînî ya embazê ma do tim biba rêbera ma.
Ma sere de keyeyê embaz Şoreşî yê ercîyayeyî rê şarê Rojhelatê Kurdîstanî û pêro şarê Kurdîstanî yê welatperwerî rê serweşîye wazenê. Ma verê vîrameyîşê şehîdanê xo de bi rêzî sereyê xo anê war.
Nasnameyê şehîdê ma wina yo:
|
|
Nameyê Qodî: Şoreş Ewrîn |
Embazê ma Şoreş şaristanê Xoyî yê Rojhelatê Kurdîstanî de dadîya xo ra beno. O ciwanîya xo de tewrê xebatan beno, erzîyeno zîndanî û 3 serran ra dima zîndanî ra vejîyeno. Embazê ma Şoreş dima 2023 de verê xo dano koyan.
O cade perwerdeyê xo bi serkewtişî temam keno. O Zap, Avaşîn û Metîna de têkoşîn keno. Embazê ma bi xurtî cewab dano hêrişanê îşxalkeran. O Xakurkê de zî pêro erk û mesuldarîyanê xo bêkêmasî ano ca.’’
