Dayîka Hemserekê KCKyî Cemîl Bayikî Rehane Bayik (94) a ke 19ê hezîrane de dinyaya xo bedilnaye, Xarpêt de ameye definkerdene.

Bado ke Camîya Herême ya dewa Çakmakê Cêrî ya qezaya Kebanî ya Xarpêtî de nimajê cenazeya Rehane Bayik ame kerdene, cenaze ameye definkerdene. 

Hemserekê Pêroyî yê DBPyî Keskîn Bayindir, Wekîla DEM Partî Salîha Aydenîz, Serhat Eren, Meclîsê Cinîyan ê DBPyî, Têgêrayîşê Cinîyan ê Azadan (TJA), îdarekar û endamê DEM Partî yê Xarpêt, Çewlîg, Dêrsim, hemşaredarê DEM Partî tewrê cenaza bîyî.

Badê merasîmê definkerdişî tezîyeya Rehane Bayik Camîya Veysel Karanîyî ya Taxa Unîversîte ya Xarpêtî ameye ronayene.