Serekê Amerîka Donald Trumpî derheqê bombardumananê bera merkezanê nuklerî yê Îranî de medyaya dîjîtale de eşkerayîyêke daye û vat: ‘’Zerarêko pîl dîyeno merkezanê nuklerî uê Îranî. Ma eşkenê vajê ke nê merkezî îmha nîyê.’’

Payeberzanê Washingtonî îdîa kerdêne ke Amerîka vurnayîşê rejîmê Îranî armanc nêkeno la Trumpî hesabê xo yê medyaya dîjîtale de wina vat: ‘’Eke rejîmê Îranî yo nikayên pîlîya Îranî apey nêdano çira nêvurîyeno?’’

Wezîrê Karanê Teberî yê Amerîca Marco Rubioyî zî hişyar kerd ke wa Îran Kanalê Hurmuzî nêqefilno û venga Çînî da ke na babete de Îranî hişyar bikero.

Çînî zî bombardumanê Amerîka yê vera Îranî şermezar kerdî.

Artêşa Îsraîlî dişeme şaristanê Kirmaşanî yê Rojhelatê Kurdîstanî de binawanîya leşkerî ya Îranî daye bombayan ver.

Artêşa Îsraîlî roja yewşemeyî pare kerd ke înan dayo merkezê fuzeyan û binawanîya leşkerî ya rojawanê Îranî ro.

Artêşa Îsraîlî ewro zî bi eşkerayîyêke vat: ‘’Artêşa Îsraîlî hêrişê 6 meydanê teyarayan ê Îranî kerd, 15 teyarayê şerî û helîkopterê Îranî îmha kerdî.’’

Artêşa Îsraîlî tesdîq kerd ke înan eyaletê Loristanî de operasyonê leşkerî dayo dronêkî ro.

Serekwezîrê Îsraîlî Binyamin Netanyahuyî şanê yewşemeyî kombîyayîşê çapemenîye de ard ziwan ke Îsraîl do Îran û Gazze de hêrişan rê dewam bikero.

Rojnameyê Al Akhbarî yê Lubnanî yo ke terefgîrê Hîzbullahî yo pare kerd ke milîsê Îranî yê Iraqî xo amade kenê ke cewab bidê hêrişanê Amerîka.

Çimeyanê Lubnanî dîyar kerd  ke Hîzbullah qerardar o ke tewrê şerê vera Îsraîlî nêbo.

Wezîrê Karên Derve yê Îranê Abbas Arakçî roja Duşemê serdana Moskowê kir.

Goreyê ajansê xeberan ê Rûsya TASSî zî Îran û Rûsya zî tewirê xo koordîne kenê.