Rêxistina DEM Partî ya Tekîrdagî Kongreya 2yîne kerde. Hemsereka DEM Partî Tulaye Hatîmogullari, endamê Meclîsê Mayanê Haştîye, îdarekarê Komeleya Kultur û Hunerî ya Mezopotamya, alîmê dînî û temsîlkarê dezgehan zî tewrê kongre bîyî.

Tulaye Hatîmogullari kongre de qisey kerd. Tulaye bale ante ser ke Vengdayîşê Haştîye û Komelê Demokratîkî yê Rayber Apoyî ra dima PKKyî kongreya xo de bira feshkerdişî girewta. 

Tulaye vat: ‘’Nînan ra pey ma pawitêne ke proses bi lezî aver şoro. Ganî dewlete û îqtîdarî tayê gamî bieştêne, tepişteyê sîyasîyî vera bidayêne. La hema zî gamêka seba demokratîkbîyayîşî nêerzîyaye. Proses zaf giran şino û waşt ke proses aver şoro û gamê zelalî bierzîyê.

Eke şerê Îsraîl û Îranî hîna giran bibo do pêro dinya ra vila bibo. Ma veng danê ke wa no şer cade biqedo.

Tirkîya de zî vurîyayîşê neweyî qewimîyenê. Vengdayîşê Ocalanî, kongreya PKKyî. Nê do tesîrê sîyasetî bikerê. Rêxistinkerdişê haştîye, têdûştîye û edaletî ra ber rayîrêk çin o. Ganî her çî de haştîye est ba.’’