Cinîyê ke îşxalê dewleta tirke yê vera Kantonê Efrîn-Şehba ra bi zorî wareyanê xo ra bîyê, înan Reqa de eşkerayîya çapemenîye daye. Eşkerayîye hetê Endama Kongreya Starî Erîfe Hebeş ra ameye wendene.

Erîfe da zanayene ke herêmanê îşxalkerdeyan de sûcê vera merdimatîye yenê kerdene. Efrîne venga Neteweyanê Yewbîyayeyan (NY), UNICEF û Rêxistina Efû ya Mîyanneteweyîye da ke vera nê sûcan mesuldarîya xo bîyarê ca û çeteyanê dewleta tirke Efrînî ra vejê.

Erîfe vat: ‘’Wa Efrîn bi hawayêkê mîyanneteweyîyî bêro kontrolkerdene, kesê ke wareyanê xo ra bi zorî ameyê vetene wa bieşkê abigêrê û îşxalê dewleta tirke cade bêro qedînayene.’’