Bi qerarê Heyetê Îdare û Çimdarî tehlîyeya bi desan tepişteyan yena peyde eştene. Îqtîdar rixmê munaqeşeyanê haştîye semedê zîndanan gamêke nêerzeno. Zîndanan de binpaykerdişê heqanê merdiman dewam kene.

Besra Erol (67) ya ke nêweşa giran a, zîndan de 6 reyî ameliyat bîye û rîyê nêweşîyanê ci yê kronîkan rê risk est o ke çîmê xo vînî bikero, a zî raştê na bêhuqûqîye yena. Tehlîyeya Besra Erole raya dîyine hendê 6 mengan ameye peydeeştene. 

Besra Erola ke lajê ci  Evrîm Denîz Erolî 20ê temmuza 2015 de Pirsûsê Riha de hêrişê bombayinî yê DAÎŞÎ yê Merkezê Kulturî yê Amara de dinyaya xo bedilnaye, seba ke mezelê ci ser qisey kerd bi îdîaya "endamîya rêxistene" 30ê nîsana 2029 de ameye tepiştene û cezaya 7 serran dîyaye ci. Seba ke Besra Erol nêvato a poşman bîya, raya dîyine tehlîyeya ci hendê 6 mengan ameye peyde ,eştene. Besra Erola ke zîndanî ra mesaj şawit, vat: "Ez tîya de tepiştî nîya, ez rehine ya." Besra Eropa waşt wa her kes vengê aye û tepişteyan bieşnawo û bido eşnawitene.

Goreyê doneyanê Komeleya Heqanê Merdiman (ÎHD) mabênê seranê 2021- 2023yî de tehlîyeya 384 tepişteyan hetê nê heyetî ra ameye peydeeştene.