Komxebata 'Rayîrê Ver bi Haştîye: Vîr û Edalet' roja diyîne de dewam kena ke hetê Komeleya Heqanê Merdiman (ÎHD) ra seba haştîyêka mende ya meseleya kurdan yena serûberkerdene.

Hemsereka Pêroyî ya ÎHDyî Erene Keskîn ard ziwan ke sey pawitoxanê heqanê merdiman ê do haştîye bipawê û vat: ‘’Seba ke ma qisey bikerê tîya de yê. Sey ÎHDyî ma tim haştîye pawite. Qiseykerdişê serê haştîye zaf girîng o.’’

Hemserekê Pêroyî yê ÎHDyî Huseyîn Kuçukbalabanî zî ard ziwan ke înan vizêr keyeyan de pêvînayîşêko girîng kerdo, xîret kerd ke xo biresnê dormeyanê cîya-cîyayan la na babete de nêeşkenê netîce bigêrê. Kuçukbalabanî bale ante ser ke ganî nê prosesî de komelo sivîl aktîf bibo.