Komeleya Kultur û Paştdayîşê Karkeranê Koçberan (GÎK-DER) paytextê Brîtanya London de Festîvala Parke ya 15ine bi coşî kerde. Festîvale vera nîjadperestî û faşîzmî bi coşêkê pîlî ameye kerdene. 

Wezîrîya Karanê Zereyî ya Tirkîya vera na festîvale û beşdaranê ci bi îdîaya ‘têkilîya ci bi rêxistine est a’ tehqîqat akerdibî. Hunermendan Îlkaye Akkaya, Alî Jiyan û Gulsevane Medar venga pêro kesan dabi ke vera tehqîqatî tewrê festîvale bibê.

Hemsereka GÎK-DERî Bedrîye Avcil festîvale de pêro beşdaran rê sipas kerd û vat ke vera faşîzm, nîjadperestîye û şerî ganî têkoşîn bêro pîlkerdene. Bedrîye polîtîkayê krîmînalîzkerdişê dewleta tirke şermezar kerdî.

Yewîya Hêzanê Demokratîkan a Brîtanya zî eşkerayîyêke daye û xîretê dewleta Tirkîya yê seba tersnayîşê muxalîfan şermezar kerdî.

Festîvale de Koma Dongu, Bîrgul Tunç, Burcu Aytaç, Zeyno Durar, Gulseven Medar, Koroya Zarokan a Akçabocegî vejîyayî sehne ser.