Merkezê Îrtîbatî û Çapemenîye yê HPGyî nasnameyê çar şehîdan eşkera kerdî. Eşkerayîye wina ya:

‘’Serra 2018î de menga sibate de Herêmanê Pawitişî yê Medya de embazê ma Baran, Ferzat, Murat û Rojhat herêmanê cîyayan de şehîd bîyî. Ma nînan bi rêz û minetî yad kenê.

Embazanê ma Baran, Ferzat, Murat û Rojhatî bi fedayîtîya xo nameyê xo tarîxê ma yê têkoşînî ser o nuştî. Embazanê ma bi ruhê Apoyî yê fedayîyî cewab da hêrişanê dişmenî. Keyeyê nînan çend bi ewladanê xo sereberz bibê zî kêm maneno. Ma soz danê ke seba ke layîqê embazanê xo yê şehîdan bibê erk û têkoşînê înan ê azadîye bîyarê ca.

Ma sere de keyeyanê embazan ê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Baran Çiya Name û Peyname: Mahsun Kasimî Cayê Bîyayîşî: Xoy Maye-Pî: Ayşe – Muhammed Tarîx û Cayê Şehadetî: Sibata 2018î / Herêmê Pawitişî yê Medya

 

Nameyê Qodî: Ferzat Sema Name û Peyname: Barış Özden Cayê Bîyayîşî: Agirî Maye-Pî: Belkizar – Mehmet Tarîx û Cayê Şehadetî: Sibata 2018î / Herêmê Pawitişî yê Medya

 

Nameyê Qodî: Murat Erdal Name û Peyname: Abdulhakim Gören Cayê Bîyayîşî: Şirnex Maye-Pî: Saîde – Îsmail Tarîx û Cayê Şehadetî: Sibata 2018î / Herêmê Pawitişî yê Medya

 

Nameyê Qodî: Rojhat Rojhilat Name û Peyname: Îlyas Hakemî Cayê Bîyayîşî: Maku Maye-Pî: Zahîde – Fehîm Tarîx û Cayê Şehadetî: Sibata 2018î / Herêmê Pawitişî yê Medya

 

Embazê ma Baran şaristanê Xoyî yê Rojhelatê Kurdîstanî de dadîya xo ra beno. O hêverî xebatanê milîsîye keno û dima tepişîyeno. 2007 de zîndanî ra vejîyeno û uca ra verê xo dano koyan. O Zagrosan de perwerde vîneno, waranê bînan de têkoşîn keno. O embazanê xo zî perwerde keno û xeylê çalakîyanê serkewteyan de serkêşîye keno. Embazê ma têkoşînê xo yê 11 serrî bi şehadetê xo yê heybetînî temam keno.

Embazê ma Ferzat Agirî de dadîya xo ra beno. O hêverî zanîngeh de tewrê xebatanê ciwanan beno û 2014 de zî tewrê gerîlayan beno. Embazê ma perwerdeyî ra dima Zap de dest pê erkî keno. Embazê ma tewrê Hêzanê Taybetan zî beno. O derbazê Zagrosan beno û tîya de zî bi qehremanî xo ver dano û têkoşîn keno. Embazê ma Herêmanê Pawitişî yê Medya de şehîd beno. 

Embazê ma Murat Şirnex de dadîya xo ra beno. O hêverî tewrê xebatanê ciwanan beno, 2012 de verê xo dano koyan û beno gerîla. O Zagrosan de dest pê perwerde û têkoşînî keno û tîya de serkewtişanê pîlan visneno destî. Embazê ma vera hêrişanê dişmenî tim cepheyê tewr vernî de cagêno. O embazanê xo rê beno çimeyê moralî û hêzî. Ma soz danê ke têkoşînê ey rê dewam bikerê.

Embazê ma Rojhat şaristanê Makuyî yê Rojhelatê Kurdîstanî de dadîya xo ra beno. O wextê hêrişanê DAÎŞî de bi qerardarî verê xo dano koyan û beno gerîla. Embazê ma Rojhat beno milîtanêko serkewte. Embazê ma derbazê Herêmanê Pawitişî yê Medya de erk keno. Embazê ma pêro erk û mesuldarîyanê xo bêkêmasî ano ca. O do bi kesayetê xo tim mîyanê têkoşînê ma de biciwîyo.’’