Şaristanê Bonnî yê Almanya de seba nîqaşkerdişê Paradîgmaya Komelê Demokratîkî û Haştîye ya Rayber Apoyî kombîyayîşê şarî ame kerdene. 

Kombîyayîş de hêverî Wekîlê DEM Partî Omer Ocalanî qisey kerd û ard ziwan ke paradîgmaya newî ya Rayber Apoyî seba merdimatîye hêvî ya. Omer Ocalanî vat: ‘’ Seba ke krîzê Rojhelatê Mîyanênî û meseleya kurdan bêrê çareserkerdene paradîgmaya Rayber Apoyî dîyarker a.’’

Omer Ocalanî îfade kerd ke ganî her kes bi cidîyetî nêzdîyê feshkerdişê PKKyî û verdayîşê çekan bibo û vat: ‘’Wa her kes bizano ke êyê ke şer kenê eşkenê haştîye virazê. Ganî Rayberê Şarê Kurdî û têgêrayîşê azadîye ra  bawer bikerê. Meseleya kurdan de seba çareserîye ganî Iraq, Îran û Sûrîye zî mesuldarîye bigêrê.’’

Kombîyayîş bi cewab û persan qedîya.