Mabênê herêma Akre û Dihokî û bajarekê Xebate de mabênê hêzanê PDKyî û fermandarê lîderî yê eşîra Herkî Xurşîd Herkîyî de pêkewtişê giranî qewimîyayî.

Pêkewyişan de xeylê wesayîtê EKDPyî ameyî vêşnayene. Zêrevan de kesêk kişîya û eşîra Herkî zî xeylê hêzê PDKyî esîr girewtî.

Serekwezîrê Herêma Kurdîstanî Mesrûr Barzanîyî veng da ke wa pêkewtişî biqedê. 

Fermandaranê eşîra Herkî ra Ethem Herkîyî vat: ‘’Ma qerqilîyenê ke pêkewtişî derbazê herêma Behdînanî bibê. Coka wa pêkewtişî biqedê.’’

Fermandar Xurşîd Herkî Hewlêr de ame destbendkerdene.

Goreyê vîdeoyo ke medyaya dîjîtale de ameyo parekerdene vizêr şan pêkewtişê giranî qewimîyayê.