Platformê Haştîye û Azadîye yê Ewropa (EFFP) seba ke Rayber Apoyî bivîno kampanyaya ‘Ez wazena Abdullah Ocalanî zîyaret bikera’ dabî destpêkerdene. Çarçewa kampanya de heyetê 39 kesan ra yeno pê amebi Tirkîya. Wekîlê Partîya Çepe ya Almanya Ferat Koçakî zî mîyanê heyetî de cagirewtibi. 

Koçakî ajansê ma rê qalê armancanê heyetî kerd. Koçakî da zanayene ke xeylê welatan ra bi taybetî Almanya ra merdimî tewrê heyetî bîyê û şîyê Tirkîya. Koçakî vat: ‘’Ma hêverî Tirkîya de Buroyê Huqûqî yê Asrinî zîyaret kerd. Ma derheqê prosesî de agahîyî girewtî. Ancî ma dezgehê çapemenîye zî zîyaret kerdî. Ma seba ke Birêz Ocalanî bivînê waştişnameyê xo teslîmê Wezîrîya Edaletî ya Tirkîya kerd.

Ma zîyaretê Wezîrîya Edaletî de şertî nayî ro. Ma bi zelalî vat ke ma wazenê Ocalanî zîyaret bikerê. Ma do seba heman armancî sey heyetî bêrê yewca, prosesî teqîb bikerê û xîret bikerê ke kom bibê. Waştişê ma yê seba zîyaretê Ocalanî dewam keno.’’