Weçînayîşê herêmî yê 31ê adare çend rojî mendî.  Partîya Demokrasîyî û Têdûştîye ya Şaran (DEM Partî) bi coşî xebatanê xo domnena.

DEM Partî vat yew raye zî zaf muhîm a û veng da şarî  ke wa 31ê adare de şiro sindoqan ser.

Reyna veng dîya weçînitoxan ke bajarê bînan de yê û ame waştene ke wa şirê memleketê xo de rayanê xo bişuxulnê.

Namzeda Şaredarîya Tetwanî ya DEM Partî Belkiza Beştaş Epozdemîr zî vat: ''Kam ke raya ci Tetwan de ya û teberê bajarî de yo wa wayîrê raya xo bivejîyo. Eke îmkanê ci çîn ê wa muracatê rêxistinanê ma yê bajar û qezayan bikerê.''

Namzadê Şaredarîya Riha yê DEM Partî Celaletîn Erkmenî zî veng da rihayijanê ke tewberê bajarî de yê û vat bêrê tewrê xebatan bibê  û wayîrê rayanê o bivejîyê.

Namzeda Şaredarîya Bajarê Pîlî yê Îstanbulî  ya DEM Partî Merale Daniş Beştaş veng da ke wa her kes şiro bajaranê xo de rayanê xo bido û wayîrê sindoqan bivejîyo.

Namzedê Şaredarîya Kadikoyî yê DEM Partî Veysî Eskî zî veng da weçînitoxan ke raya înan Îstanbulî de nîya û vat muracatê merkezanê qeza û bajarî bikerê.