Partîya Cuya Azadîye ya Kurdîstanî (PJAK) kongreya xo ya 7ine bi şîarê ''Bi felsefeya Jin, Jiyan, Azadî ma Kurdîstanî azad bikerê, neteweya demokratîke înşa bikerê'' koyanê Kurdîstanî de kerde.

PJAKî da zanayene ke kongre bi beşdarîyêka xurte ameya kerdene û kongre de birê girîngî ameyê girewtene. PAJKî pare kerd ke kongre de proses ameyo ercnayene û plansazîyî ameyê amadekerdene.

PJAKî vat: ''Kongre binê şertanê zehmetan û hêrişanê dişmenî de ameye kerdene. Kongreya sere de yê Rojhelatê Kurdîstanî rewşa pêro Kurdîstanî ameye ercnayene. Kongreya ma de rewşa Rayber Apoyî, xoverdayîşê ci yê Îmraliyî ameyî ercnayene. Kongreya ma de ame parekerdene ke seba azadîya Rayber Apoyî têkoşîn bêro pîlkerdene û xoverdayîşê Îmraliyî bêro esasgirewtene.

Kongreya ma de çarçewa felsefeya Jin, Jiyan, Azadî de rexneyî ameyî kerdene. Embazê ma yê cinîyî bi xurtî tewrê na kongre bîyî. 

Kongreya ma de nê birî ameyî girewtene:

-Kongre de ame tesbîtkerdene ke rewşa krîzî ya Rojhelatê Kurdîstanî û Îranî vera estbîyayîşê şaran tehluke ya.

-Kongreya ma de bire dîyaye ke vera polîtîkayanê antîekolojîkan ê rejîmê Îranî têkoşîno ekolojîk wa bêro berzkerdene.

-Kongre de raporê xebatan ê hemserekanê ma ame nîqaşkerdene û rapor ame tesdîqkerdene. Çarçewa raporî de plansazîyê neweyî ameyî viraştene.

-Kongreya ma de bi rayanê delegeyan Emîr Kerîmî û Peymane Vîyan bîyî hemserekê PJAKî yê neweyî. Kongre de endamê meclîsê partîye zî ameyî weçînayene.

-Kongreya ma bi serkewtişî qedîyaye.''