Serdozgerîya Komare ya Antalya derheqê 12 wendekaranê ke tede nêweşê kanserî Devrîm Ayik û 4 wendekarê tepişteyî zî estî de bi îdîaya ''endamîya rêxistine'' îdîaname amade kerde.

Mehkemeya Cezaya Girane ya 10. a Antalya îdîaname qebul kerd û roniştişê yewîn 8 çeleyê 2020î de do bêro kerdene. Dozgerî deyîrê kurdkî yê ke wendekaran Roşanê Newrozî yê 2018î de vatî û qiseykerdişanê telefonî sey delîlan raporî de mojnayî. Bale ameye antene ke îdîaname de derheqê Devrîm Ayik o ke Zindanê Girewte yê Tîpê Lyî yê Antalya de tepişte yo de tay sucdarkerdişî estî ke wexto ke Ayik zindanî de bi ameyî kerdene. Îdîaname de qiseyê deyîranê kurdkî yê ke sereştişê keyeyê Ayikî de polîsan dest nabî ser sey delîlî yenê mojnayene. Îdîaname de nê zî sey delîlî ameyî mojnayene; wendekaran pîknîkî de deyîra Mervano vate, wendekarê bi nameyê Abdullah Aktaşî zindanî de embazêkê xo zîyaret kerd û kincî mojnayî ci, telefonê wendekarêkî de fotografê Haci Bîrlîk Lokman estbi ke taxa Dîcle yê Şirnexî de tankerî ro ame pabestene, dima erdî ro ame kaşkerdene û bi nê hawayî şehîd kewt.Dozgerîye seba ke wendakarê beşdarê Têgêrayîşê Ciwananê Şorişgêrî yê bi îdîaya endamîya rêxistine ê sucdar kerdî.