Hemsereko newe yê Pêroyî yê DBPyî Keskîn Bayindirî derheqê mîsyonê DBPyî yê neweyî de ANFyî reyde qisey kerd.

Bayindirî vist vîrî ke wextêkê winasî de ke dewleta tirke vera şarê kurdî hêrişanê giranan kena înan kongreya xo ya 5ine kerde û vist vîrî kê dewleta tirke têna hêrişê Vakurê Kurdîstanî ney, hêrişê Rojawanî, Başûrî û Rojhelatî zî kena.

Bayindirî vat: "Partîya ma DBP do bika ke şarê kurdî hetê îdeolojîk, rêxistine, exlaqî, kulturî û xobîyayîşî hîna zêdêr bêro dîyene. Bêguman no rol û mîsyon bi metodê klasîk ê sîyasetî nênê kerdene. Do têkoşînî reyde bêro kerdene. Partîya ma na nuqta de sey mitbaxê dibistanêke biba polîtîk û bika ke detkewteyê şarê kurdî bi hawayêkê nîzamî, dîplomatîkî û rêxistinbîyaye bêrê ercnayene. Nê mitbaxî de destkewteyê şarê kurdî bi tewirêkê xoverdayoxî do bêrê pawitene. Bayindirî îfade kerd ke ê do seba yewîya neteweyî ya kurdan berpirsîyarî û wezîfeyanê xo bi hawayêkê tarîxî bîyarê ca.