Rojnameyê Die Weltî bi sernameyê #Freethemall gore pelêkî ca dano hîkayeyê cuya muxabîran ê tepişteyan Rojnameyî ewro bale ante muxabîra Ajansê Mezopotamya yê Rûkene Demîr ser ke Demîre 12 teşrîna peyêne de çarçewa tehqîqatê Serdozgerîya Komare ya Îzmîrî de amebî destbendkerdene.

Muxabîra Jin NEWSî Melîke Aydin û Demîre hetê rejîmê Erdoganî ra bi îdîaya ''nameyê rêxistine ser o kar kerd'' amebî tepiştene. Die Weltî zî vat ke Demîre karê xo yê muxabîrîye û xeberêka xo ra semed ameye tepiştene.

Die Weltî bale ante xeberanê Demîre yê ke derheqê şîdetê vera cinîyan û nawnayîşanê protestoyê Koyê Kazî ser ê ke Demîre verî ke ameye tepiştene nê xeberî kerdibî. Xebere de seba Demîre azadîye ameye waştene û ameye vîrvistene ke Tirkîya mîyanê lîsteya Rêxistina Muxabîran ê Sînornasnêkenê ra welato 157. a ke azadîye binpay kena.