Dîwanê Hemserekîye yê KCDK-E beyanatêk weşana û vist vîrî ke Îdareyê Xoserî yê Vakurê Sûrîye  seba ke Tirkîya 10 sivîlê ke 8ê înan doman ê qir kerdî şîno neteweyî îlan kerd.

Beyanatê KCDK-E wina yo:

"Dewleta tirke 2ê kanûne de verê çimanê dinya de 10 sivîlê ke 8ê înan doman ê qir kerdî. Bêvengîya dinya bena sebeb ke dewleta tirke qirkerdişê newe bika û erjanê merdimîye binpay bika. Sere de şarê kurdî û her kes o ke wayîrê wîjdanî û rûmetî yo û KCDK-E ma do gore bira Îdareyê Xoser ê Rojawanî ya şînî têbigêrê û çalakîyanê xo de kurdeleya sîya xo ra bikê û dezgehê ma zî gore naye têbigêrê. Ma venga merdimîye danê ke vera nê qirkerdişan vengê xo berz bika. Bi qirkerdişê domananê kurdan dewleta tirke polîtîkayê xo yê dişmenîye mojnena û bi hawayêkê bêexlaqî dewam kena.  Ma venga kurdîstanijan danê ke vera mêtingerîya tirkanê ke dişmenê rûmet, erd û cuya kurdan ê vera nê barbaran ê ke hêrişê domanan, cinîyan, kalûpîran, ciwanan, her kesî kenê bivejîyê meydanan û xo ver bidê. Artêşa tirke ya ke beşêka NATOyî ya verê çimanê hêzanê mîyanneteweyîyan de qirkerdişan kena. Ma nê qirkerdişanê dewleta tirke şermezar kenê û 4ê kanûne zî sey şînê neteweyî yê dinya parekenê.  Ma venga şarê xo danê ke 4ê kanûne de seba şînê neteweyî kurdeleyanê sîyayan bibesto dezgehan û meydanan ro û bi nê hawayî tewrê çalakîyan bibo."