Dîwanê Hemserekîya KCDK-E derheqê rayraşîyayîşê Rojawanî yo ke do 14ê kanûne de bêro kerdene eşkerayîyêk daye.

Eşkerayîye KCDK-E wina ya:

"Bi destpêkerdişê hêrişê dewleta tirke û cerganê aye yê vera Rojawanî emser Rojawan de bi hezaran kesan warê xo ra koç kerd û bi seyan sivîlî ameyî qetilkerdene. Hêrişê dewleta tirke bi tesdîqkerdişê DYA û Rûsya herême de dewam kenê û sivîlî û domanî nê hêrişan de yenê hedefkerdene. Qirkerdişê Til Rifatî de 8 domanî verê çimanê dinya de ameyî qetilkerdene. Şarê dinya û hêzê mîyanneteweyî zanenê ke Tirkîya wazena ke şarê kurdî qir bika û şorişê Rojawanî tasfîye bika coka wayîrê Rojawanî vejîyenî.

Ma ganî xoverdayîş xurt bikerê û rayberîya ci bikerê. Pêro dinya payan ser o ya. Seba ke ma no paştdayîşê unîversalî bipawê ganî hîna zêde kar bikerê. Ma xo vîrî ra nêkê ke no xoverdayîş derbazê tarîxî bibo û netîceyanê tarîxîyan xo reyde bîyaro. Coka ma çalakîyanê xo dewam bikê. 14ê kanûne de rayberîya Defend Rojava, Women Defend Rojava û Rise Up For Rojava bi şîarê 'Rayraşîyayîş û serewedaritişê enternasyonelî yê seba Rojawanî' do bikerê. Ma venga şarê xo, cinîyan, domanan, roşnvîran, demokratan, çep-sosyalîstan danê ke bi ruhê çalakîye yê bêmabênî bivejîyê meydanan, bi ruhê seferberîye têbigêrê û her ca de seba rayraşîyayîşê enternasyonalîstî yê şaranê Ewropa bibê seferber."