Bernameyê yadkerdişî yo ke Merkezê Kulturî yê Kurdan ê Theofilosî de ame kerdene bi deqayêkê rêzgirewtişî dest pêkerd. Embazê şehîdan Alî Parmaksiz nameyê vîrameyîşê şehîdan ser o qisey kerd û vat: "Ma sey embazanê ci dejê keyeyanê şehîdan pare kenê û soz danê şarê xo yê kedkarî ke sere de Erdogan û Bahçelî faşîstê ke no qirkerdiş kerd do bi heman hawayî nê dejî bivînê."

Sîyasetmedarê kurdî Lezgîn Serhatî zî bale ante seba Rayberê Şarê Kurdî Abdullah Ocalanî û Têgêrayîşê Azadîya Kurdîstanî paştdayîşê Mahîr Çayan û embazanê ci ser. Qiseykerdişan ra dima derheqê şehîdan de sînevîzyonêk ame mojnayene.