Emîne Aslan Aydogana 64 serre ya ke Zindanê Tîpê Tyî yê Riha de mendêne Nêweşxaneyê Cigêrayîşî û Perwerdeyî yê Mehmet Akîf Înanî yê Riha de wefat kerd.

Ame zanayene ke Aydogan 16 mengan ra nata tepişte bîye û velka ci de tumor estbi 10 rojan de 4 rey amelîyat bîye û 10 rojan ra nata zî servîsê nêweşîya girane de mendêne. Rewşa Aydogane ewro serê sibayî bîye girane û wefat kerd. Aydogane 2018î de wexto ke îdarekarîya HDPyî ya Wêranşarî kerdêne derheqê ci de bi îdîaya ''endamîya rêxistine'' bi waştişê cezaya 8 serr û 7 menge dewa ameye akerdene. Ame vatene ke Aydogane de nêweşîyê velke, zare û xirabîya vînayîşî estbî û keyeyê ci seba ke weşkerdişê ci bêro kerdene û Adogane bêra veradayene muracatê Baro û Şubeyê Riha yê Komeleya Heqanê Merdiman kerdbi. Cenazeya Aydogane ameye berdene bi Dezgehê Tipa Edlî yê Riha. Keyeyê Aydogane otopsî ra dima seba defnkerdişî cenazeya Aydogane do bero bi Wêranşarî.