30 tepişteyanê ke Zindanê Osmanîye de 12ê teşrîna peyêne ra nata vera kerdişanê sey hûmaritişê leşkerî grevê vêşanîye kerdêne dima ke waştişê înan ameyî qebulkerdene çalakîya xo ya vêşanîye qedînaye.

Zindanê Gumgumî de zî 4 tepişteyê sîyasî 25ê teşrîna peyêne ra nata grevê vêşanîye yê bêdem-bêagêrayîşî kenê. Waştişê tepişteyan wina yê: "Hûmaritişê bi hawayê leşkerî biqedo, waştişê têkerdişê koxuşan bêro caardene, gêrayîşê bi hawayê zitî bêro wedaritene, cezayê dîsîplînî yê keyfî do bêrê batalkerdene, kiriştişê nasnameyê giraneyî ra fek bêro veradayene, rojnameyê Yeni Yaşamî, kitabî û mektubî bêrê dayene."