Hemserekê Pêroyî yê Partîya Komunuste ya Kurdîstanî (KKP) Sînan Çîftyurekî û Hetkarê Sekreterê Pêroyî yê Têgêrayîşê Azadî Metîn Pîranîyî derheqê kombîyayîşê partîyanê kurdan o ke siba bi rojeva ''yewîya neteweyî'' bêro kerdene de qisey kerd.

 Hemserekê Pêroyî yê KKPyî  Sînan Çîftyurekî vat: "Ma hema seba nê îtîfaqê partîyanê kurdan nameyêk nêdî. Têna partîyî do bibê yan şar zî do tede bibê ma hema nînan ser o muneqeşa kenê. Kombîyayîş û muneqeşayê ma do dewam bikê. Pêro partîyî hende biryardar ê ke ma do tira çîyêk awan bikê. Ma venga pêro partîyan danê ke ma do yewîya neteweyî seba menfaatanê xo nêxebitnê. Ez bawer kena ke ma do ser bikewê."

 Hetkarê Sekreterê Pêroyî yê Têgêrayîşê Azadî Metîn Pîranîyî zî vat: "Ma do kombîyayîşî de bîyarê rojeve ke ma seba yewîya neteweyî planêk amade bikê. Ganî ma lezabez amadekarîya xo bikê û hem seba waştişê welatê xo hem zî seba waştişê şarê xo cewabêk bidê. Pêro partîyanê kurdan ra ma ney pawenê ke seba yewîya neteweyî û kongreya neteweyî îdolojî û menfaatanê xo ra fek vera bidê. Ganî ma menfaatê kurdan û Kurdîstan ser o vinderê. Têna bi nê hewayî bibo ma do ser bikewê."