Serra 2008î de Edene de bi îdîaya ''endamîya rêxistine'' û ''propagandaya rêxistine'' çarçewa dewaya KCKyî de rojnameger Seyîthan akyuz, Hemesereka KCDyî û Parlamentera HDPyî Leyla Guven zî tede 96 kesî ameybî destbendkerdene û hukmkerdene. Roniştişê dewa yê biredayîşî ame kerdene.

Dewa Mehkema Cezaya Girane ya 5. a Edene de ameye dîyene. Tay sîyasetmedarî û avûkatê ke dewa ra tepiştî nêbê beşdarê dewa bîyî. Heyetê îdîa seba 96 kesanê ke Leyla Guven zî tede ya, bi îdîaya ''endamîya rêxistine" waşt bêrê cezakerdene. Heyetê Mehkema seba 27 kesanê ke rojnameger Akyuz û Guvene zî tede yê, bi îdîaya ''endamîya rêxistine'' 6 serrî  û 3 mengî cezaya zindanî daye û seba 69 kesanê bînan zî bira veradayîşî daye.

Dewa ra dima avûkat Vedat Ozkanî bira mehkeme ercna û vat na dewa hetê endamanê Cemaetê Gulenî ra ameye amadekerdene û dosyayê kumpasî yê. Avûkat Yasemîn Dora Şeker zî îfade kerd ke cezaya 375 serre ya ke seba 60 kesan ameye dayene goreyê huqûqî û erjê unîversalî nîya. Avûkatan pare kerd ke seba xirakerdişê bire do mehkemaya berzêre rê îtîraz bikerê.