Endamê Komîsyonê Ekonomî yê HDPyî Alp Altinorsî vat gulane û tebaxa 2018 ekonomî de tengîye ameye meydan û na tengîye sey ''krîzê malî'' dest pêkerd la vurîya bi krîzê ekonomîkî.

Altinorsî vat: "Bêkarîye seke kêm bîye aseno la her ke şono bena zêde. Ma nêeşkenê vajê ke ekonomîyê Tirkîya rewşa tengîye ra vejîya. Medyayê ke nêzdîyê AKPyî yê mojnenê ke ekonomîyê Tirkîya ho başêr beno. La wina nîyo. Tirkîya vera kerd ke bankayê umûmîye kredîyan bidê û sey serra 2017î pîlbîyayîşêko sûnî kerd.Bi nê hawayî zûr kerd û vat ke ekonomîyê ma beno pîl. Serra 2020î de ekonomîyê dinya do teng bibo. Tirkîyaya ke dewleta îxracatê sanayî ya zî do tesîrê na tengîye de bimana. Bazirganîya dinya do binê tesîrê ci de bimana. Xora eke krîz bibo cografyaya kurdan de di rey hîna bitesîr beno. Îflas, hêz, destsernayîşê çewlikan, destsenayîşê dewaran, deynê kredîyê bankayan, qedînayîşê bazirganîya sînorî... Nê pêro cara cografyaya kurdan ser o di rey tesîr kerd û şer bi xo derbêka girane ya ekonomîke yo. Seba ke esnafê kurdî, karkerê kurdî, wayîrê çewlikan ê kurdî nê prosesê krîzî de 2 rey zêdêr kewenê ver. Herême de firsendî seba terefgîrê AKP-MHPyî yenê kerdene. Kurdan rê têna warêkê îstîhdamî akenê; polîsîye û natorîye. Ma eşkenê vajê ke krîzê herême do serra 2020î de zî dewam biko."