Komîsyonê Heqanê Domanan ê Şûbeyê Îstanbulî yê ÎHDyî bi wesîleya 23ê Nîsane eşkerayîyêke daye û bale ante binpaykerdişê heqanê domanan ser.

Eşkerayîya ra tay cayî wina yê : ''Ewro raştîye de ne heqê domana ne zî roşanê înan esto. Heta domanî vera nêweşîye zî nînê pawitene. 3 hezarî zafêr domanî zîndanan de yê. Domanê ke pîya bi dayîkanê xo zîndanan de yê binê rîskê girdî de yê. Reyna domanî serranê qican de yenê zewijnayene û raştê îstîsmarê cînsî yenê. Tecawuzkarî û kesê ke domana îstîsmar kenê bi qanûnanê neweyan ê hukmatî yenê pawitene. Bedelo tewr gird ê neçarîye zî domanî ancenê û rîyê bawerîya xo ra raştê zextî yenê.

Destûrê perwerdeyê ziwanê dayîkî çîn o û perwerdeyo bizor yeno dayene. Domanî nêeşkenê kulrturê xo azad biciwîyê. Domanî têna şeran û pêkewtişan de nêmirenî. Hela ke verê bananê xo de kay kenê zî  bi topan yenê qetilkerdene. Reyna hela ke kuçe de vaz danê, virarê dayîka xo de yê, şine nan gênê zî bi pirodayîşê wesayîtêkê zirxinan yenê qetilkerdene. Domanî rîyê şer û nêçarî ra welatê xo caverdene. Bi hezaran domanê koçberî vînbîyaye yê û meyîtê înan ge-ge kiştanê awan de vejîyenê werte.  Derguşê Aylan înan ra têna yew o. Îdarekarê ke 23ê Nîsane de verê kamarayan de domanan rê jest kenê destûr danê ke 365 rojanê serre de ameyoxê domanan bêro diznayene. Bi îmkananê dewlete vera domanan sûc yeno kerdene û heme heqê înan yenê binpeykardene.''