Rayraşîyayîşo Derg ê Lavrioyî ewro do Atina de biqedo. Panc çalakîkeranê Rayraşîyayîşê Dergî roja diyîne de derheqê armancanê xo de ANFyî rê qisey kerd.

Pîr Şaliyar: Hemleya 1ê Hezîrane hemleyêke bîye ke têna vera emperyalîzm û artêşa tirke nêameye kerdene; vera tasfîyekerîya mîyanê partîye û îxanetî zî ameye kerdene. Biciwîyo Rayberê ma, biciwîyo PKK, biciwîyo artêşa ma HPG û YJA-Starî.

Emele Arslan: Rayraşîyayîşê ma vera îşxal û îxanetî roja diyîne de yo. Wa kes nêvajo nêrazîbîyayîşê kurdan di-hîrê rojan de biqedo. Heta ke îşxal û îxanetî werte ra nêrê wedaritene ma do xo ver bidê, payan ser de bibê û paştî bidê gerîlayan.

Ramazan Menteşe: Ma vera îxanetê PDKyî şinê ke PDK bîyo hemkarê hêrişanê vera gerîlayan. Ganî şarê ma hişyar bo, vera îxanetî gerîlayan bipawo û wayîrê înan vejîyo.

Ferman Erkek: Rayraşîyayîşê ma seba gerîlayan o, seba welatêkê azadî yo, vera îxanetê PDKyî yo, vera îşxalê dewleta tirke yo. Rayraşîyayîşê ma ewro tîya de, siba Zap, Avaşîn û çar parçeyanê Kurdîstanî de bibo.

Eyşane Xanûş Zengîn: Zap, Avaşîn û çar parçeyanê Kurdîstanî de qirkerdiş est o Bi rayîrê nê rayraşîyayîşî ma PDKyî şermezar kenê. Dewleta tirke bi destê PDKyî hêrişê gerîlayan û şerwananê ma keno. Ewro seba kurdan roja têkoşînî ya. Destê ma ra çi bêro ganî ma bikerê.