Çarçewa tedbîranê vîrusê Korona de 123 kesî  Macarîstanî ra ameyî  berdene Çewlîg. Nê kesî do 14 rojê tîya de karantîna de bimanê û dima ra bişawîyê bajaranê înan. Şarê Çewlîgî ke ardişê înan ra qerqilîyeno vano heta Çewlîgî xeylêk bajarê bînî estê, qey nê kesî tîya ameyî cakerdene.

Endamê Heyetê Zanistî Dr. Levent Akini di roje ciwa ver derheqê vîrusê Korona de  vat bi tehlukeyo ke Înstanbul ra vila bîyo Çewlîg û Mûş de beno sebebê qesawetî. Çewlîgijê ke badê nê vatişî qerqilîyenê Çewlîg de cakerdişê kesanê ke Macarîstanî ra ameyî fam nêkenê û vanê Macarîstanî ra heta Çewlîgî qet cayê  mendişê bînî çînê bî, qey Çewlîg?

Hetê bînî ra kesê ke Macarîstanî ra ameyî berdene Çewlîgî înan ra cinîya bi nameyê Pelîne Portakal hesabê xo yê medayaya sosyale ser ra bi parekerdişêk Çewlîgî rê heqeret kerd û dişmenîyê vera kurdan reyna fîna çiman ver. Portale fotografê pasaportê xo yo ke morê Çewlîgî pirodayeyo pare kerd û vat: 'Ez ganî nê lekeyê sîyayî senî pasaportê xo ra biesterî?' Bado ke vera nê parekerdişê  faşîstî çewlîgijan nêrazîbîyayîş ramojna derheqê Portakale de cipersayîş ame destpêkerdene.