Adana de operasyonê narkotîkî de Sereko verên ê AKPyî yê Payîzava û Hetkarê Serekê AKPyî yê qeza Ahmet Kulaz hetê polîsan ra ame destbendkerdene.

Operasyon hewteyê vîyarteyî de qewimîya, mîktarê kundoxî yo ke dest nîyayo ser, hetê AKPgîran ra yeno nimnayene.

Goreyê agahîyanê ke ameyê destvistene, wesayîto ke tede kondoxî est bîyî, aîdê dezgehê Îdareyê Rayîran ê Wanî yo. Kulazo ke wexto ke pê wesayîtêkê fermîyî madeyê kundoxî rotêne, ame destbendkerdene. Dîya zanayene ke sabiqaya Kulazî cezayanê xo yê verênan ra est a.

Balkêş o ke Erdoganî reyde fotografê Kulazî est o. Erdoganî zîyaretê xo yê peyênî de Kulazî reyde pêvînayîşêk kerd. Kulazî fotografê xo û Erdoganî zaf reyî hesabanê xo yê medyaya dîjîtale de weşanayî.