Xebatkarê EnerjîSA û îdarekarê Sendîkaya Enerjî yê ke vera qedexe, hêriş û karî ra vetişan verê Holdîngê Sabanciyî de xo ver danê, ameyî destbendkerdene.

Xebatkar û îdarekaranê sendîka vera ablûqaya polîsan nêrazîbîyayîşê xo mojna û vat: ''Ma tena karê xo apey wazenê.'' Xebatkaran ra Bekîr Bayatliyî vat: ''Ma seba nanê xo tîya de yê.'' Karker Erdal Şenerî vat: ''No têkoşînê heqî yo. Ma heqê 5 embazanê xo wazenê.''

Polîsanê tirkan xebatkarê EnerjîSA û îdarekarê Sendîkaya Enerjî destbend kerdî.