Çarçewa operasyonê qirkerdişê sîyasîyî de polîsan serê sibayî eşt bînaya DEM Partî ya Îdirî ser.

Polîsanê hêzanê taybetan pêro kuçe û rayîrê bîna qefilnayî. Bîna de cigêrayîş ame kerdene.

Wextê ney de polîsan eşt xeylê adresan ser zî. Sereştişan de Hemserekê DEM Partî yê Îdirî Mehmet Selçuk zî tede 8 kesî ameyî destbendkerdene.

Verê bîna de sereştiş bi eşkerayîya çapemenîye ameye protestokerdene. Hemsereka DEM Partî ya Îdirî Bahar Etrecî pare kerd ke ê do verê tedayan de apey game nêerzê û vat: ''Bi nê kerdişan yeno waştene ke mîtîngê 13ê teşrîna verêne qels bibo. Tedayê îqtîdarî do bi têkoşînê ma nêeşkê.''

Eşkerayîye bi sloganan qedîyaye.