Îran û Rojhelatê Kurdîstanî de çalakîyî dewam kenê. Mamostayan zî dest pê grevî kerd.

Zanîngehanê Razî, Zahîdan, Tehran, Şerîf, Fîrdevsî, Isfahanî de û zanîngehanê bînan de wendekaran rejîmê Îranî protesto kerd.

Zanîngehê Şerîfî de mabênê hêzanê Basicî û wendekaran zî alozîye vejîyaye la wendekaran barîyerî derbaz kerdî.

Vengdayîşê Komîteya Koordînasyonê Sendîkayanê Mamostayan ser o zî mamostayan zî dest pê grevî kerd û paştî daye çalakîyanê wendekaran. Meriwan, Ciwanro û Seqiz de mamostayan dersî boykot kerdî.

Sine de hêzanê rejîmî wendekarê cinîyî dayî guleyan ver.  

Rojhelat de Sine, Diwander û Serdeştî de, Îran de zî Bender Abbas û Mazandaran de zî protestoyî dewam kenê.

Meriwan, Sine, Seqiz, Kirmaşan, Bane, Mahabad, Şiraz, Tahran û şaristananê bînan wendekarî vizêr zî nêşîyî dibistanan. Mamostayî zî nêkewtî dersan û înan şîdetê hêzanê rejîmî protesto kerd.