Wekîlê DEM Partî yê Riha Ferît Şenyaşarî ANFyî rê derheqê Sirri Sureyya Onderî de qisey kerd.

Şenyaşarî vat: ‘’Mumkîn nîyo ke ma bi çend çekuyan qalê Onderî bikerê. Zehmetîye de, hewcedarîye de Onderî tim meseleyî çareser kerdêne. Mîrasê ey o tewr pîl xîretê haştîye yo. Vengdayîşê 27ê sibate ra verî ma Riha de merasîmêkê haştîye viraşt. Ma xîret kerd ke haştîye biba haştîya komelkîye. Sirri Sureyya Onderî têkoşînê haştîye sey mîrasî verda. Ey seba haştîye tedawîya xo peygoş kerde. Ma do seba haştîye bixebitê. Ma soz danê ke têkoşînê ey ê haştîye rê dewam bikerê. Ganî pêro beşê komelî wayîrê haştîye vejîyê. Ma deyndarê Sirri Sureyya Onderî yê.’’

Ferît Şenyaşarî îfade kerd ke muxatabê prosesê haştîye yê raştikênî şar ê û vat: ‘’Temamîya Tirkîya de derheqê haştîye de bêhêvîtîye çin a. Eke şar xo rêxistin bikero û waştişê haştîye bi vengêkê berzî bîyaro ziwanî dewlete zî do neçare bimana ke game bierza. Ganî şar wauîrê prosesî vejîyo. Sey şarê kurdî ma qerardar ê ke her hemle bikerê. Ma pabeyê ci yê ke dewlete zî game bierza.’’