Îstanbul de hetê KCD, HDP, DBP û TJA ra hêrişê îşxalî yê dewleta tirke yê ke bi hemkarîya PDKyî vera Başûrê Kurdîstanî yenê kerdene ameyî şermezarkerdene. 

Rayraşîyayîş de dovîzê sey ''Tecrîd sûcê merdimîye yo'', ''Ma haştîye wazenê'' û ''Bimorê xîyanet'' ameyî kiriştene. Şarî bi slogana ''şerî rê nê, haştîye cade nika'' Meydanê Îstîklalî de dest pê rayraşîyayîşî kerd. Polîsan verê Konsolosxaneyê Rûsya de şar girewt binê ablûka. Rixmê ablûqa sloganan dewam kerd.Wekîlê HDPyî Sezai Temelliyî binê ablûqa de eşkerayîye daye. Temelliyî vat şer feqîrîye ya û beno sebebê mergê qican û veng da ke wa her kes hetê haştîye de ca bîgêro.

Endamê Meclîsê Ciwanîye yê HDPyî yê ke verê înan hetê polîsan ra gerîya, înan  bi slogananê  "Bê Serok jiyan nabe", "Bijî berxwedana Zapê", "Bijî berxwedana Avaşîn", "HDP hêvî ya, hêvî payra ya" û "Bijî berxwedana zindanan" waşt rayraşîyayîşî rê dewam bikerê. Ciwanê ke raştê hêrişê polîsan ameyî xeylêk wext rayra şîyî. Rayraşîyayîş de îdarekarê HDPyî zî yê qeza zî tede xeylêk kesî ameyî destbendkerdene.