Îtîfaqê Kede û Azadîye encamnameyê kombîyayîşê xo yê ewroyî eşkera kerd. Encamname de nê ameyî parekerdene:

''Ma sey hemserek, serek û vervatoxanê Partîya Têgêrayîşê Kedkarî  (EHP),  Partîya Kede (EMEP), Partîya Demokratîke ya Şaran (HDP), Federasyonê Meclîsanê Sosyalîstan (SMF), Partîya Kakeran a Tirkîya(TİP) û Partîya Azadîya Komelkî  (TOP) yê ke Îtîfaqê Kede û Azadîye de ca genê 16ê adara 2023yî de Anqara de ameyî têhet. Rojdemê ma  felaketê erdlerz û laserî, krîzê ke xorî benê, vîjnayîşê serekkomarîye û parlamenteran bi.

16ê adare serrgêra qirkerdişê Halebçe û Beyazitî yo. Seba ke qirkerdişê winayên reyna mabê, çîyo ke destê ma ra yeno, ma kenê.

Polîtîkaya dişmenîya vera şarî  û talanî yê îqtîdarî bena sebebê krîzan û ameyoxê komelî tehdît kena.  Rijnayîş û dejê girdî yê erlerzê 6ê sibate yê Mereşî û laserê 15ê adare eşkera nê polîtîkayan ramojneno. Felaketan sey 'afata xoza ya zî qederî' erjnenê û kenê sey çîyêkî normalî bidê qebulkerdene û bidê vîrakerdene ke ma nê qetî red kenê. Ma sey Îtîfaqê Kede û Azadîye vanê ke ma do nê îqîtdarê dişmenê şar û xoza, sîstemo ke bingêyê felaketan hazir keno bibedilnê û berpirsîyaran ra hesab bipersê û cuya newî înşa bikerê.

Ma erefeyê vîjnayîşê de ke do qederê Tirkîya bibedilno. Ma bi berpirsîyarîya xo ya tarîxî ke do pawitişê şarî biaçarno hêvî, ameyoxo demokratîk û azad înşa bikero;

-Ma qerar girewt ke ma do sey Îtîfaqê Kede û Azadîye tewrê vîjnayîşî bibê. Xebatanê tenîkîyan de sere de HDP hemê hêzê îtîfaqî do rayîr û metodanê pawitişê destkewteyan esas bîgêrê.

-Ma derheqê vîjnayîşê serekkomarîye de muneqeşeyê hîrayî kerdî. Ma qerar girewtbi ke badê erdlerzî babeta namzedê7a serekkomarî reyna bigêrê dest. Ma tewirê xo yê hemparî yo ke ma ewro netîcaya muneqeşayan de girewt, do dewrê tewr kilmî de bi kombîyayîşê çapemenîye eşkera bikerê.

-Atmosfero ke qedexe û dewayê sîyasîyî dewam kenê, şîdet û zext zêdîyene de xebatê ma yê derheqê prosesê vîjnayîşî û asayîşê sandiqan bi hewayêkê lezî dewam kenê.

-Ma hêzo ke têkoşînê cinîyan ra girewt ke 8ê Adare de kuçeyî kerdî mor, ma do bi nê hêzî Newroze û 1ê Gulane de meydanan pirr bikerê. Ma do bi heme hêzanê demokrasîyî 15ê gulane qezenc bikerê. Ma do peynîya rejîmê yewmerdimî bîyarê.

Bi paştîdayîş, têkoşîn û hêvî…''