PKKyî ewro eşkera kerd ke înan kongreya xo ya 12ine mabênê tarîxanê 5-7ê gulane de kerde. Eşkerayîye de ame vatene ke detayê kongre do rojanê verê me de bêrê parekerdene.

Xebera kongreya tarîxî ya PKKyî çapemenîya dinya de cayo hîra girewt. Ajansanê mîyanneteweyîyî yê Reuters, Associated Press (AP) xebere girewt manşetanê xo.

AP yo ke merkezê xi Amerka de yo bi sernameyê  ''Grûba mîlîtananê PKKyî bê teyîtkerdişê vilabîyayîşî vat înan qerarê 'tarîxî' girewtî.'' 

Rueterso ke merkezê ci Îngîlîstan o ajansê ma nîşan da û vat, ''Ajansî da pêhesnayene ke rayberê PKKyî yo ke zîndan de yo semedê vengdyaîşê çekronayîşî kerd, kongreya PKKyî 'qerarê tarîxîyî' girewtî.''

Radyoyê dewlete yê Fransa RFI zî vat, ''PKKyî da zanayene ke semedê feskerdişê xo kongreyê xo bi 'serkewtişî' kerd.''

Çapemenîya Fransa ra Courrier Internationalî zî xebera kongre pare kerd û bale ante eşkerayîya DEM Partî ya derheqê kongre ser.

Rojnameyê Amerîka The Washington Postî zî vat, ''Grûba mîlîtananê PKKyî bê tesdîqkerdişê vilabîyayîşî da zanayene ke qerarê tarîxî girewtî.

Rojnameyê e-kathimerini yê Yunanîstanî zî ajansê ma ANF sey çimeyî ramojna û bi sernameyeê PKKyî kongreya xo ya 12ine de qerarê tarîxîyî girewtî.

Al Monitor ê Amerîka zî vat PKKyî kongreya xo sey cewabdayîşê vengdayîşê Rayber Apoyî yê qedînayîşê şerê bi Tirkîya, kerd.

Dezgehê çapemenîya Almanya Deutsche Welle zî pele yê tirkî de eşkerayîya kongreya PKKyî sey PKK: ''Ma kongre de qerarê tarîxîyî girewtî.''

Pelo tirkî yê BBCyî zî vat, ''PKKyî kongreya xo kerde: 'Qerarê tarîxîyî' ameyî girewtene.''

L’Orient-Le Jouro ke merkezê ci Beyrut o  vat, ''PKKyî kongreya xo 'biserkewtişî' kerde'' û erjnayîşo sey kongre semedê prosesê haştîye 'firsetêko tarîxî yo' ame kerdene.