Heyeto ke welatanê cîya cîyayan ra rojnameger, nuştox, akademîsyen, sendîkaker, parlamenter û huqûqnasî tede ca genê Taksîm de otêlêke d

e kombîyayîş kerd.

Heyata kombîyayîşî de pankartê ''Têhetameyîşê mîyanneteweyîyî yê semedê çarserîya haştîyane ya meseleya kurdan û qedînayîşê tecrîdî'' ame daliqnayene.

Hemvervatoxa HDKyî Merale Daniş Beştaş, Hemserekê Pêroyî yê DBPyî Keskîn Bayindir û TJA ra Sebahate Tuncel zî tede xeylê kesî tewrê kombîyayîşî bîyî.

Kombîyayîş de mesajê Rayber Apoyî yê semedê heyetî zî ame wendene û vilaweka hempare bi tirkî û îngîlîzkî ameye wendene.

Vilaweke de nê ameyî vatene: "Ma veng danê meqamanê tirkan û heme hetanê komelê kurdan ke wa semedê muzakerayanê haştîye û dîyalogî gamanê xurtan bierzê. Ma veng danê pêro têgêrayîşanê averşîyayoxan, partîyan û şaranê Tirkîya ke semedê serkewtişê nê prosesî wa xebata hempare bêro kerdene. Têna wina bedilnayîşo mende beno û rayîrê Tirkîyaya demokratîke beno a.

Nê demî ke Rojhelatê Mîyanênî mîyanê kila de yo û xeylê welatan de çeko bêsînor yeno şuxilnayene, Birêz Ocalan herême de haştîye û birnayîşê vengê çekan wazeno. Birêz Ocalanî semedê çareserkerdişê pêkerdişê 40 serran wextê ci de gama muhîme eşte. Seba ke proseso demokratîk ser bikewo gerek Birêz Ocalan û heme tepişteyê sîyasîyî bêşertî serbest bêrê veradayene. "

Eşkerayîye bi nê vatişan qedîyaye: Ma veng danê hukmatê Tirkîya ke wa goreyê îlkeyanê edalet, demokrasî û haştîye têbigêro. Ma do gamanê hukmatî ke do bierzo, teqîp bikerê. Ma hêvî kenê ke Tirkîya semedê komelê demokratîkî gaman erzena."