Çalakîya 'Nobeta Azadîye' ya ke bi waştişê azadîya Rayber Apoyî 25ê hezîrana 2012yî de serkêşîya ''Înîsîyatîfê Abdullah Ocalanî rê Azadîye'' de  Strasbourg de dîyabî destpêkerdene, hewteyê 681ine de dewam kena.

Nobeta ke verê dezgehanê sey Konseya Ewropa, Mehkemeya Heqanê Merdiman a Ewropa, Komîteya Vergirewtişê Îşkenceyî û Parlamentoyê Ewropa de yena kerdene no hewte hetê koma Cenevre ra ameye dewrgirewtene. Kome de Azîz Aslan, Hasan Înce û Hatîp Bîlen ca genê.

Eşkerayîya bi nameyê çalakwanan ameye dayene de nê ameyî vatene: ''Na çalakîye semedê azadîya Rayber Apoyî yena kerdene. Ma wazenê ke meseleya kurdan bi rayîranê demokratîkan wa bêra çareserkerdene. Badê vengdayîşê Rayber Apoyî yê 27ê sibate de PKKyî zî bi qerarê xofeskerdişî gama girde eşte la dewleta tirke hema zî gamêka zixm nêeşta. Heta azadîya Rayberîye û çareserkerdişê meseleya kurdan na çalakîye do dewam bikero.''